ឧបោសថាគារ

រោងឧបោសថ៍ គឺអគារដែលមានពទ្ធសីមា សម្រាប់ភិក្ខុសង្ឃប្រជុំគ្នាធ្វើសង្ឃកម្មមានឧបោសថកម្មនិងបវារណាកម្មជាដើម សព្វថ្ងៃនេះខ្មែរហៅ ឧបោសថាគារ ថា វិហារ តាមទម្លាប់ហៅតៗគ្នាមក, វិហារ នេះកាលបើមាន ពទ្ធសីមា ហើយ លុះតែសង្ឃបានឱ្យសូត្របាលីញត្តិទុតិយកម្មវាចាមួយចប់សន្មតតាមពុទ្ធានុញ្ញាតរួចហើយ ទើបឡើងជាឧបោសថាគារពេញលក្ខណៈបាន។ ក្នុងអាវាសមួយត្រូវសន្មត ឧបោសថាគារ ឱ្យមានតែមួយ បើមានពីរត្រូវសូត្រដកឈ្មោះ ឧបោសថាគារមួយចេញ (ព.វិ.) ក្នុងឧបោសថក្ខន្ធកៈ។

កិច្ចវត្តដែលត្រូវថែទាំរោងឧបោសថ (មានការបោសសម្អាតជាដើម, ការថែវិហារ)។