ប្រែ

ត្រឡប់, ងាក, បែរ, ឃ្លាតចាកប្រក្រតី; ផ្លាស់; បំបែរ; បង្វែរ; ក្លាយ។

បំបែរខ្លួនឱ្យត្រឡប់ពីម្ខាងទៅម្ខាង។

ផ្លាស់គំនិត។

ងាកចិត្ត។

ផ្លាស់ទំនុក។

ប្រែចុះប្រែឡើង ឬប្រែត្រឡប់ខុសពីប្រក្រតីដើម។

បំបែរពាក្យឬសម្ដីឱ្យឃ្លាតខុសពីដំណើរដើម។

ស្រង់សេចក្ដីពីភាសាមួយជាភាសាផ្សេង។

គម្ពីរ, សាស្ត្រាដែលអ្នកប្រាជ្ញបានប្រែចេញពីបាលី ចងក្រងជាពាក្យរាយ ពុំមែនជាពាក្យកាព្យទេ ប៉ុន្តែមានចួនរណ្ដំជាកម្រងកែវខ្លះដោយអន្លើៗ :

ប្រែពីភាសាមួយមកជាភាសាមួយ ដូចជាប្រែពីបាលីមកជាខ្មែរជាដើម, ក្នុងប្រយោគនីមួយៗ មួយសង្កាត់ៗ បណ្ដោយពីខាងដើមរៀងទៅតាមដំណើរសេចក្ដីមកជាខ្មែរ។

ប្រែពីបាលីឬពីសំស្ក្រឹតក្នុងប្រយោគមួយៗមកជាខ្មែរ ដោយលោតផ្លោះតាមដំណើរសេចក្ដីខ្មែរ។

(ម.ព. ប្រែពាក្យ)។

ក្លាយសម្បុរខុសពីប្រក្រតីដើម។

ក្លាយសាច់ឈាមឃ្លាតខុសពីភាពមុន។